Gëschter huet de Innenminister Léon Gloden de Naturpark Öewersauer besicht, begleet vum SEBES, de Gemengen an eise Partneren aus CGDIS, Police, ANF, AGE, Douanes, Ponts & Chaussées an ORT. D’Visitt huet d’Méiglechkeet gebuede fir aktuell Erausfuerderunge ronderëm de Stauséi ze diskutéieren. D’Zil vum Austausch war et, d'Sécherheet an d’respektvoll Zesummenaarbecht an der Waasserregioun zu Lëtzebuerg weider ze stäerken an d’Kooperatioun tëscht de verschiddene Partneren auszebauen. De SEBES schätzt de konstruktiven Dialog an de wäertvolle Input vun allen Acteuren.